कपिलबस्तु जिलाको बहादुरगंजलाई नगरपालिका सदरमुकाम कायम गराउन आन्दोलित युवाहरुले आइतबार दुइ घण्टे चक्काजाम गराएका छन् । जिल्ला प्राविधिक समिति कपिलबस्तुले स्थानीय निकायको पुन संरचनामा कृष्णनगर नगरपालिकाको सदरमुकाम बहादुरगंजलाई बनाउने निर्णय गरि पठाईएको थियो । तर अहिले नया संरचनाको खाका आउँदा नगरपालिकाको सदरमुकाम बहादुरगंज हटाएर साविक कै कार्यालय कृष्णनगर नै राखिएकोले बहादुरगंज र वरपरका गाबिस अजिगरा, भिल्मी, पुरुशोत्तामपुर, विद्यानगर, भगवानपुरलगायतका युवा तथा स्थानीयहरू आन्दोलित भएका छन् ।