स्वतन्त्र मधेश गठबन्धनका संयोजक डा सीके राउतको रिहाइको माग गर्दै सोमबार धनुषा, महोत्तरी, सिरहा, सप्तरीसहित मधेशका जिल्लाहरुमा एक घण्टा धर्ना दिएका छन् । डा राउतलाई गैर कानुनी रुपमा पक्राउ गरी हिरासतमा राखेकोमा अविलम्व रिहाईको माग गर्दै गठबन्धनका जिल्लास्थित कार्यकर्ताहरुले जिल्ला प्रशासन कार्यालयहरुमा धर्ना दिएका थिए । राउतलाई रिहा गराउन विभिन्न नाराबाजी गर्दै गठबन्धनका जिल्ला संयोजकहरुको नेतृत्वमा मधेशका सबैजसो जिल्ला प्रशासन कार्यालयमा धर्ना दिइएको समाचारदाताहरुले जनाएका छन् ।