संयुक्त लोकतान्त्रिक मधेशी मोर्चाको चेतावनी र अवरोधपछि विहिबार जिल्ला मालपोत कार्यालय सप्तरी ठप्प भएको छ । सरकारले लागु गरेको स्थानीय निकायको नयाँ संरचनाअनुसार काम नगर्न दवाव दिँदै मोर्चाले अवरोध गरेपछि कार्यालयको काम ठप्प भएको हो । सरकारको निर्देशनपछि कार्यालयको सम्पुर्ण गतिविधि नयाँ संरचना कार्यान्वयन गर्न मोर्चाले दवाव दिँदै आएको थियो । नयाँ संरचना अनुसार ४ प्रतिशत कर उठाउन बन्द गरी पुरानै संरचना अनुसार २ प्रतिशत मात्र राजश्व लिनुपर्ने मोर्चाको माग छ । सोही क्रममा मोर्चाका कार्यकताएले बिहिबार पनि कार्यालयको काममा अवरोध गरेका थिए । विहिबारै सम्पन्न मोर्चाको बैठकले नयाँ संरचनाअनुसार काम कारवाही गरे त्यसबाट उत्पन्न हुने परिस्थितीको जिम्मेवारी लिनुपर्ने भन्दै निर्णय गरेपछि शुक्रबार बिहानैदेखि कार्यालयको काममा अवरोध गरिएको छ । मालपोत कार्यालयका प्रमुख दधिरामा गुरागाईसहित कुनै पनि कर्मचारी कार्यालयमा प्रवेश गर्न पाएनन् । मोर्चाका कार्यकर्ताहरुले बिहानैदेखि कार्यालयको मुल गेटमा नाराबाजी गर्दै धर्ना बसेपछि कर्मचारीहरु कार्यालय प्रवेश गर्न पाएका थिएनन् । लेखापढि व्यवसायीहरु समेत आन्दोलनमा उत्रिएपछि सेवाग्राहीहरु मर्कामा परेका छन् ।