आफ्ना माग सम्बोधन नगरिएको भन्दै जिल्लाका साझेदारी वनका उपभोक्ताले जिल्ला वन कार्यालय कपिलवस्तुमा धर्ना दिई तालाबन्दी गरेका छन् । गत चैत २८ गते साझेदारी वनलाई वडाको काम कर्तव्य र अधिकार अन्तर्गत राखिएको विरोधमा साझेदारी वन व्यवस्थापनको कार्य प्रदेशको सुचिमा गर्न गराउन माग गर्दै प्रजिअ मार्फत प्रधानमन्त्रीलाई ज्ञापन पठाएको भए पनि माग सुनुवाई नाभेपछि साझेदारी वनका उपभोक्ताले आन्दोलित बनेका हुन् । आन्दोलित उपभोक्ताले बुद्धपदम उच्च माध्यमिक विद्यालयको चौरदेखि जिल्ला वन कार्यालय सम्म र्‍यालीको आयोजना गरि वन कार्यालय कपिलवस्तुमा धर्ना दिई तालाबन्दी गरिएको छ । टोलीले सांकेतिक विरोध स्वोरुप लगाएको ताला प्रहरी र वन कर्मचारीले केहि समय पश्चातनै खोलेको थियो ।