आफ्नो चुनाबी प्रचार-प्रसार तथा वडा सम्पर्क कार्यालयमा आगजनी गरेको बिरोधमा नेपाली कांग्रेस लम्कीले बिरोध निकालेको छ । लम्कीचुहा नगरपालिका-८ गप्कामा रहेको वडा सम्पर्क कार्यालय तथा चुनाबी प्रचार प्रसार कार्यालयमा बैशाख ३ गते रति भएको आगजनी र तोडफोडको बिरोधमा नेपाली कांग्रेस कैलाली क्षेत्र नं २ ले बिरोध र्याली निकालेको हो । अज्ञात समुहले कांग्रेसको वडा कार्यालय तोडफोड गर्नुका साथै कार्यालय संगै बस्दै आएका ३२ बर्षिय डबल बिस्टलाई कुटपिट गरेको थियो । नेपाली कांग्रेस क्षेत्र नं २ महासमिति सदस्य मान बहादुर महतोले घटनाको छानबिन गर्दै दोषीलाई सजाए दिनुपर्ने बताए ।