सहरी विकास तथा भवन निर्माण डिभिजन कार्यालय वीरगन्जका कर्मचारीले मंगलबार कामकाज ठप्प पारेका छन् । गत शुक्रबार सहरी विकास तथा भवन निर्माण डिभिजन कार्यालय वीरगन्जका प्रमुख सरोज गोइतलाई कुटपिट गर्ने एमाले नेता एंव पर्सा क्षेत्र नम्वर ३ का सांसद राजकुमार गुप्तालाई कारवाहीको माग गर्दै कर्मचारीले कामकाज ठप पारेका हुन् । कर्मचारी नियुक्ति नगरेको निहुँमा कार्यालय प्रमुखमाथि हातपात गर्ने सांसद गुप्तालाई कारवाही गर्न स्थानीय प्रशासनसँग माग गर्दै एक दिनका लागि कामकाज ठप्प पारेको सहरी विकास तथा भवन निर्माण डिभिजन कार्यालयका इन्जिनियर कार्तिकेश झाले बताए ।