दुल्लु नगरपालिका वडा नं १३ मालिकास्थित देवी माविमा शैक्षिक सत्र सुरु भएको ३ महिना हुँदा समेत गणित विषय पढाई नभएको भन्दै विद्यार्थीले विद्यालयमा ३ दिनदेखि तालाबन्दी गरेका छन् । शैक्षिक सत्र सुरु भएको ३ महिना पुग्दा समेत शिक्षकहरुले मनोमानी तरिकाले पठाईमा बाधा पुर्‍याएको भन्दै विद्यार्थिहरुले ताला बन्द गरेको बताए । गणित विषयकी शिक्षिका पार्वती शर्मा शैक्षिक सत्र सुरु भएदेखि विद्यालयमा हाजिर नहुँदा विद्यार्थी आन्दोलित भएका छन । देवी माविमा क र ख समूह गरेर विद्यालय छुट्याएको छ । शिक्षिका शर्माले ४ व अघि नियुक्ति लिँदा विनायकमा भए पनि हाडेआवतमै पढाई दिन अनुरोध गरिएअनुसार पढाउँदै आए पनि बिदामा घर सदरमुकाम जान नजिक पर्ने भन्दै विनायकमा पढाउन थालेकी र यसअघि विनायकमा गणित पढाइरहेका रणदीप विश्वकर्माले समेत हाडेआवत जान नमानेपछि यो अवस्था सिर्जना भएको हो ।