Police have arrested three people on charge of beating 38-year-old Krishna Bahadur Khatri. Khatri is a resident of Kudule municipality-4 of Gorkha District. According to the police, a group of people attacked Khatri over a dispute about road construction on Saturday. He got severe injuries in his head and nose. He has been referred to Neuro hospital in Kathmandu for the further treatment. Khatri has given the statement that a team led by Suman Thapa attacked him with an iron rod and knife. Police have arrested three people involved in the incident. सडक बनाउने बिषयमा शनिबार भएको विवादमा एक जना निर्घात कुटिएका छन्। गोरखा नगरपालिका ४ कुँडुलेको एक समूहले स्थानीय कृष्णबहादुर खत्रीलाई कुटेका हुन्। ३८ बर्षीय खत्री निवृत्त नेपाली सेना हुनुहुन्छ। उहाँको टाउको र नाकमा गम्भीर चोट लागेको छ। गोरखा अस्पतालमा सामान्य उपचार गरी थप उचारका लागि उहाँलाई काठमाडौंको न्यूरो अस्पताल लगिएको उहाँकी दिदी पम्फा खत्रीले जानकारी दिनुभयो। ‘सुमन थापाको नेतृत्वमा आएका केटाले रड र चक्कूले हानेका हुन्’, खत्रीले भन्नुभयो ‘रगत बगिरहेकाले गोरखा अस्पतालले काठमाडौं पठायो।’ घटनामा संलग्न तीन जनालाई गिरफ्तार गरिएको प्रहरीले नायव उपरीक्षक वीरेन्द्र थापाले जानकारी दिनुभयो। नगरपालिकाबाट प्राप्त दुई लाख रुपैयाँबाट ढुंगागाढेभञ्ज्याङ, औलटारी, बाघखोर, थापागाउँ हुँदै हिलेपोखरीसम्म सडक निर्माण गर्ने बिषयमा शनिबार बिहान बैठक भएको थियो। बैठकमा विवाद हुँदा कुटपिट भएको अर्का स्थानीयवासी सूर्य खत्रीले जानकारी दिनुभयो।