ललितपुर महानगरपालिका–१४ ताल्चीखेलस्थित कसमस कलेजमा तोडफोड गर्ने कार्यमा संलग्न ११ जना विद्यार्थीलाई आइतबार प्रहरीले पक्राउ गरेको छ । सो कलेजका इन्जिनियरिङ तर्फका ब्याचलर तेस्रो बर्षमा अध्ययनरत बिद्यार्थीहरुले शिक्षक भर्ना र टुर लैजानुपर्ने बिषयलाई लिएर ए ब्लकको पुर्वतर्फको ६ वटा झ्यालको शीशा, स्ट्याण्ड फ्यान १ थान, टेलिफोन १ थान, टेबुल २ थान समेतका बिभिन्न सरसामान तोडफोड गरेको जानकारी प्राप्त भएपछि महानगरीय प्रहरी बृत्त सातदोबाटोबाट खटिएको टोलीले उनीहरुलाई नियन्त्रणमा लिएको हो । यस सम्बन्धमा प्रहरीबाट आवश्यक अनुसन्धान भइरहेको छ ।