कक्षा ११ को परीक्षा मुखमा रहेको समय धनुषाको खजुरी उच्च माविमा तालाबन्दी गरिएको छ । पूर्वी धनुषाको खजुरी महुवास्थित के एसएचसबी उच्च माविमा विद्यार्थीहरुले तालाबन्दी गरेको हो । नयाँ शैक्षिक सत्र शुरु भइसकेको ३ महिना सकिन लाग्दा पनि छात्रछात्रालाई पाठ्यपुस्तक उपलब्ध नगराएको तथा छात्रवृत्ति समेत वितरण नगरेको भन्दै विद्यार्थीहरुले प्रधानाध्यापकको कार्यकक्ष सहित अन्य तीनवटा कोठामा तालाबन्दी गरेको छ । विद्यालयमा केही दिनदेखि शिक्षक ÷शिक्षिकाहरु नियमित नआउँदा पठनपाठनमा समस्या उत्पन्न भएको भन्दै समेत विद्यार्थीहरुले तालाबन्दी गरेको जनाइएको छ । यता विद्यालयका प्रधानाध्यापक राजेश्वर यादवले तालाबन्दीको बारेमा आफूलाई केही थाहा नभएको प्रतिक्रिया दिए ।