सार्वजनिक गाडीमा महिलामाथि दुव्र्यवहार गर्ने तीनजनालाई प्रहरीले पक्राउ गरेको छ । महानगरीय प्रहरी प्रभाग बलम्बुले गाडीभित्र महिलालाई दुव्र्यवहार गरेको भन्दै सोमबार गुर्जधारा–थानको–कलंकी रुटमा चल्ने गाडीबाट तीनजनालाई पक्राउ गरेको हो । पक्राउ पर्नेमा दाङको घोराही घर भई काठमाडौं बनस्थली बस्ने निरज रोक्का मगर, वनराज रोक्का मगर साथै पर्वत कुश्मा घर भई काठमाडौं बस्ने शेरमान गुरुङ छन् । उनीहरु माथि अनुसन्धान भइरहेको प्रहरीले जनाएको छ ।