Dissatisfied groups of Ratnanagar FNCCI vandalized the venue where its general assembly was being held on Monday. The agitators were against amendment in the bylaws of the chamber. They vandalized the stage at the venue immediately after it was declared that the bylaws had been amended.They also teared the banners apart.
According to them, the executive committee should be formed through elections as opposed to the agreement reached out at on appointing the president and vice-president through consensus.
विधान संशोधनको विषयलाई लिएर रत्ननगर उद्योग वाणिज्य संघको साधारण सभामा सोमबार तोडफोड भएको छ । विधान संशोधनको विपक्षमा रहेका केहि व्यवसायीहरुले साधारण सभाको हलमा तोडफोड गरेका हुन्। विधान मस्यौदा समितिका संयोजक राजेन्द्र कुमार श्रेष्ठले संशोधन प्रस्ताव प्रस्तुत गरेर पारित भएको घोषणा गरे लगत्तै असन्तुष्ट व्यवसायीहरु तोडफोडमा उत्रिएका थिए । असन्तुष्ट व्यवसायीहरुले कार्यक्रमको मंच तोडफोड गरेको प्रहरीले जनाएको छ।उनीहरुले मंच भत्काउनुका साथै टेबल,कुर्ची समेत तोडफोड गरेको प्रहरीले जानकारी दिएको छ । व्यवसायीले १८ औँ साधारण सभा तथा अधिवेशन लेखेको संघको मूल व्यानरसमेत च्यातेका थिए ।ती प्रमुख दल व्यवसायीहरुले एक हप्ता अघि अर्को अधिवेशनबाट वरिष्ट उपाध्यक्ष स्वत: अध्यक्ष हुने र अहिलेकै अधिवेशनबाट एशोसिएट उपाध्यक्ष राजाराम रेग्मीलाई सहमतिका आधारमा अध्यक्ष बनाउने सहमति भएको थियो । त्यसको केहि व्यवसायीहरुले विरोध गर्दै निर्वाचनका आधारमा नयाँ कार्यसमिति चयन गर्नुपर्ने माग गरेका छन् । उनीहरुले सबै पद निर्वाचनमार्फत चयन हुनुपर्ने मागसमेत गरेका छन् ।