सप्तरीमा खेतमा पानी हाल्ने विषयलाई लिइर दुई पक्षबीच कुटाकुट हुँदा १८ जना घाइते भएका छन् । सप्तरीको छिन्नमस्ता गाउँपालिका वडा नं. ५ खुदीबखारी टोलमा शुक्रबार बिहान खेतमा पानी हाल्ने विषयलाई लिएर भएको विवादपछि कुटाकुट हुँदा दुबै पक्षका ९÷ ९ जना घाइते भएको जिल्ला प्रहरी कार्यालय सप्तरीले जनाएको छ । सप्तरी प्रहरी प्रमुखका मुकेश सिंहका अनुसार घाइतेहरुरुको राजविराजस्थित गजेन्द नारायण सिंह सगरमाथा अञ्चल अस्पतालमा उपचार भइरहेको र दुई जनाको अवस्था गम्भिर भएपछि थप उपचारको लागि विराटनगर पठाइएको छ । यता घटनाको थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।