ललितपुरको कुसुन्तीमा गोली लागेर एक जनाको मृत्यु भएको छ । लागु औषध कारोबारमा संलग्न भएको सूचनाका आधारमा प्रबिन खत्रीलाई प्रक्राउ गर्न खोज्दा उनको मृत्यु भएको हो। खत्रीलाई विशेष सूचनाका आधारमा प्रक्राउ गर्न उनको घरमा जाँदा खत्रीले २ वटा पेस्तोल निकालेर प्रहरीलाई ताक्नेपछि प्रहरीले गोली चलाएको थियो । प्रहरीले गोली चलाएपछि उनले आफ्नै कन्चटमा पेस्टोल राखेका थिए। दाहिने कन्चटमा गोली लागेर घाइते भएका उनलाई उपचारका लागि पाटन अस्पतालमा लगिएको थियो । महानगरीय अपराध महाशाखाका प्रवक्ता प्रकाशजंग कार्कीका अनुसार खत्रीलाई प्रहरीले चलाएको गोली लागेको हो वा आफैँले गोली हानेको हो एकीन हुन सकेको छैन।