मदिरा र जुवातासले महिला तथा बालबालिकामाथि हुने हिंसाका घटनामा वृद्धि हुन थालेपछि बैतडीमा महिला मदिरा नियन्त्रण गर्ने अभियानमा जुटेका छन् ।मदिरा र जुवातासले गाउँमा महिला हिंसाका घटना बढेको भन्दै मदिरा बेचबिखन बन्द गर्नुपर्ने माग राख्दै बैतडीको दोगडाकेदार-३ श्रीकोटमा महिला आन्दोलित भएका छन् ।लक्ष्मी ओडको अध्यक्षतामा महिला जागरण उत्थान समुह गठन गरेर सोमबार डांग,खोचलेक,सिल्लेगडा हुँदै घोडेधारसम्म नाराजुलुससहित मदिरा र जुवातास बन्द गर्नुपर्ने माग गरेका हुन्।करिब २०० भन्दा बढी महिलाले दोगडाकेदार-३ श्रीकोटको वडा कार्यालय पनि घेराउ गरेको समूहका अध्यक्ष लक्ष्मी ओडले जानकारी दिए।