जाजरकोटका डाक्टरहरुले बिहीबार जिल्ला अस्पतालको सरकारी कक्ष बहिष्कार गरेका छन् । चिकित्सा शिक्षा र स्वास्थ्य सुधारको माग गर्दै १८ दिनदेखि अनशनमा रहेका डा गोविन्द केसीको मागको समर्थनमा डाक्टरहरुले सरकारी कक्ष बहिष्कार गरेका हुन् । डाक्टरहरुले अस्पतालको आँगनमा बसेरे बिरामीको चेकजाँच तथा उपचार गरेका छन् । उनीहरुले सरकारी छाप लाएका पुर्जी प्रयोग नगरी शुल्क पनि नलिई सादा रजिष्टर तथा कागजमा बिरामीको नाम दर्ता र औषधी सिफारिस गरेका छन् । डा केसीको मागप्रति सरकारले बेवास्ता गरेको भन्दै कालो पट्टी बाँधेर विरोधमा उत्रिएको अस्पतालका मेडिकल अधिकृत डा भूपेन्द प्रकाश मल्लले बताए ।