काठमाण्डौबाट जान सम्भव नभएकोले भारतको दिल्लीको बाटो हुँदै तुर्किस्तान लैजाने भनी काठमाण्डौबाट चार यूवतीलाई बिक्री गर्न लैजाँदै गर्दा एक अभियुक्त हेटौडामा पक्राउ परेका छन्। हेटौडामा भएको टाटा सुमोमा शंकास्पद अवस्थामा ४ युवती ल्याएर बिर्तामोड जान भनी हेटौडा-१०, बसपार्कमा राखिराखेको अवस्थामा शंका लागि सुमोका युवतीहरुलाई सोधपुछ गर्दा यस्तो रहस्य खुलेपछि अभियुक्त पक्राउ परेका हुन्। तुर्किस्थानमा बैदेशिक रोजगारीको लागि फ्रिभिसा र फ्रिटिकटमा पठाइदिने भनी प्रलोभनमा पारेर बर्ष २३, २१ र १९ का ४ युवतीलाई फकाई लिएर आएका रसुवाको नौकुण्ठ गाउँपालिका वडा नं ६, रस्य बस्ने बर्ष २७ का फुर्वा ग्यम्जो तितुंगलाई पक्राऊ गरेको हो।