महोत्तरीको गौशालामा एक महिलालाई बलात्कार प्रयास गरेको आरोपमा प्रहरीले २ जना युवकलाई पक्राउ गरेको छ । इलाका प्रहरी कार्यालय गौशालाले गौशाला नगरपालिका-४ बाट ४० बर्षीय रामस्वरूप सदा र ३० बर्षीय ललित मण्डललाई पक्राउ गरेको हो । सदा र मण्डलले गत सनिबार गाउँकी एक महिलालाई नजिकै रहेको उखुबारीमा करनीको प्रयास गरेको इलाका प्रहरी कार्यालय गौशालाले जनाएको छ । घटनाबारे प्रहरीले थप अनुसन्धान गरिरहेको इलाका प्रहरी कार्यालय गौशालाका प्रहरी निरीक्षक सम्भु पोखरेलले बताए ।