माग पुुरा गर्नुपर्ने भन्दै बालुवाटारमा प्रधानमन्त्री निवास अगाडि धर्ना दिने आंशिक प्राध्यापक र प्रहरी बिच झडप हुँदा ६ जना घाइते भएका छन । त्रिभुवन विश्वविद्यालयमा कार्यरत आंशिक प्राध्यापकले करारमा नियुक्त गर्नुपर्ने भन्दै बालुवाटारमा सडक ठप्प पारेर धर्ना दिएपछि प्रहरीसँग झडप भएको हो । झडपमा परी राजन केसी, सविना थापा, विष्णु न्यौपाने, यज्ञप्रसाद भट्टराई र शिरोमणि गजुरेल घाइते भएका छन । घाइतेको वीर अस्पताल र शिक्षण अस्पतालमा उपचार भइरहेको आंशिक प्राध्यापक संघका अध्यक्ष शशिकुमार शर्माले जानकारी दिनुभयो । बालुवाटारमा उनीहरुले बेलुकीसम्म प्रदर्शन गरेका थिए । त्रिभुवन विश्वविद्यालयमा आंशिक प्राध्यापनरत उनीहरुले करारमा नियुक्त गर्नुपर्ने माग गर्दै मुख्य दलका नेतालाईसमेत ध्यानाकर्षण गराउँदै आएका छन् । तर सरकारले माग जायज भन्दै आश्वासन दिए पनि पूरा गर्न आलटाल गरेको अध्यक्ष शर्माले जिकिर गर्नुभयो ।