महोत्तरी जिल्लाको गौशाला नगरपालिका-८ बेलगाछीमा रहेको खानेपानी तथा सरसफाई उपभोक्ता संस्थाको कार्यालयमा तालाबन्दी गरिएको छ । संस्थामा लाखौं रकम भ्रस्टाचार भएको आरोप लगाउंदै स्थानीय उपभोक्ताले भाद्र १९ गते देखि तालाबन्दी गरेका हुन् । स्थानीय खानेपानी उपभोक्ताले संस्थाको हिसाब पारदर्शी होस् भनेर तालाबन्दी गरिएको जानकारी गराए । उनीहरुले उक्त खानेपानी उपभोक्ता समितिले दुई वर्षदेखि कुनै हिसाब किताब नदेखाएको बताए ।