निर्माण व्यवसायी महासंघका अध्यक्ष शरदकुमार गौचनको गोली हानी हत्या भएको विरोधमा निर्माण व्यवसायी र उनका आफन्तहरुले माइतीघर–तीनकुने सडकखण्ड अवरोध गरेका छन् । उनीहरुले हत्यारा पक्राउ गरी कारबाही गर्नुपर्ने माग राख्दै नाराबाजी गरिरहेका छन् । गौचनको आज दिउँसो काठमाडौंको शान्तिनगरस्थित ओमशान्ति चोकमा गोली हानी हत्या भएको थियो । गोली प्रहारलगत्तै उनलाई उपचारको लागि बानेश्वरस्थित सिभिल अस्पताल लगिएको थियो । अस्पताल पुगेलगत्तै चिकित्सकले उनलाई मृत घोषित गरेका थिए । चिकित्सकका अनुसार उनको शरीरमा तीन गोली लागेको थियो ।