जिल्ला फुटबल संघ मकवानपुरको योजनामा भएको जिल्ला लिग प्रतियोगिता अन्तर्गतको दोस्रो क्वार्टर फाइनल खेलका क्रममा झडप भएको छ । दोस्रो क्वार्टर फाइनल खेल अन्तर्गत एफसी इन्टरनेट सिटी र बाग्मती गाउँपालिका बीच भएको खेलमा एफसी इन्टरनेटका क्याप्टेन बिक्रम बानियाँले बाग्मती गाउँपालिकाका स्ट्राइकरलाई लडाएपछि रेफ्रीले उनलाई पहेंलो कार्ड दिएका देखाएका थिए । पहेंलो कार्डको सामना गरेका उनले रेफ्री संग विवाद गरेपछि उनलाई रेफ्रीले सिधै रेडकार्ड देखाएका थिए । तनाबपूर्ण खेलमा १० खेलाडीमा सिमित भएको एफसी इन्टरनेटले १-० ले हराएपछि बाग्मती गाउँपालिकाका समर्थकले खेल अबरुद्ध परेका थिए । त्यसक्रममा प्रहरीले लाठीचार्ज गर्दा खेलाडी सहित केहि समर्थक घाइते भएका थिए ।