२२ वर्षीया महिलालाई बलात्कार गरेको आरोपमा पीडित पक्षले राजविराज नपा-८ का ४० वर्षीय लक्ष्मण यादवलगायत विरूद्ध जिल्ला प्रहरी कार्यालयमा असोज २५ गते उजुरी दिएको छ । पीडितको राजविराजस्थित गनासिं सगरमाथा अञ्चल अस्पतालमा असोज २५ गते उपचार तथा स्वास्थ्य परीक्षण गरिएको प्रहरीले जनाएको छ । घटनापछि सुरक्षित आश्रय सेवा केन्द्रमा रहेकी पीडितको अवस्था चिन्ताजनक रहेको सेवा केन्द्रकी मनोविमर्शकर्ताले बताएकी छिन् । साथीसँग डेरा बहालका लागि कोठा खोज्न गएका बेला आरोपितले असोज २४ गते साँझ कुटपिट गरी नियन्त्रणमा लिएको र आरोपितको सहयोगीले बाहिरबाट ढोकाको चुकुल लगाई दिएको पीडितले बताइन् । प्रहरीले अनुसन्धानका लागि दुई जनालाई नियन्त्रणमा लिए पनि मुख्य आरोपित फरार रहेकोले खोजीकार्य भइरहेको एसपी मुकेशकुमार सिंहले बताए ।