भीमसेन गाउँपालिका–६ बोर्लाङमा ८५ वर्षीय वृद्धले १० वर्षीया बालिकालाई पटक/पटक बलात्कार गर्दै आएको खुलासा भएको छ । १० रुपैंया नगद दिने प्रभोलनमा बोर्लाङ झिगटेका नुरमहमद् मियाँले बालिकालाई बलात्कार गर्दै आएको पीडित परिवारले जनाएको छ । बुधबार दिउँसो पनि मियाँले बालिकालाई बलात्कार गरेको स्थानीय महिलाले प्रत्यक्ष देखेपछि मात्र प्रहरीमा खबर पुगेको थियो । प्रहरीले बालिकाको उद्धार गरेर गोरखा अस्पतालमा स्वास्थ्य परीक्षण गराएको थियो । परिवारको किटानी जाहेरीपछि बिहिवार मियाविरुद्ध जबरजस्तीकरणी मुद्दा दर्ता गरिएको छ । उनी बुधबार नै प्रक्राउ परेका थिए । प्रहरी अनुसन्धानमा उनले बालिकालाई तेस्रो पटक बलात्कार गरेपछि मात्रै घटना सार्वजनिक भएको खुलेको छ ।