राहतमा विभेद गरेको भन्दै बाँके राप्ती सोनारी गाउँपालिका–३ का बाढीपीडित आन्दोलनमा उत्रिएका छन् । उनीहरूले गाउँपालिका कार्यालयमा तालाबन्दीसमेत गरेका छन् । गत बर्खाको बाढीमा ७ सय ६५ घर डुवानमा परेका थिए । उनीहरूले डुबानमा परी खाद्यान्न, लत्ताकपडामा क्षति पुगे पनि सरकारले राहत नदिएको भन्दै आन्दोलन थालेको जनाए । बाढीबाट पूर्ण क्षति बेहोरेका पीडित परिवारलाई दैनिक ७० रुपैयाँका दरले १ महिनाका लागि २१ सय रुपैयाँ राहत दिएइएको थियो । तर, आफूहरू सूचीमा नपारेको भन्दै स्थानीयले आन्दोलन थालेका हुन् । गाउँपालिकाले हालसम्म ४ सय ७६ जनालाई राहत वितरण गरिसकेको वडाध्यक्ष गंगाराम थारूले जानकारी दिए ।