सडक चौडा पर्ने बिषयलाई लिएर धनुषामा दुई पक्ष बीच झडप भएको छ । विश्व बैंकको अनुदानमा जनकपुर देखि बघचौडा हुँदै सिमराढी सम्मको निर्माणाधीन सडकमा पर्ने हंसपुर् नगरपालिकाको बाघ चौडामा विवाद भएको हो । बघचौडामा सडक चौडा गर्ने क्रममा अबरोध हुँदै आएको बिषयमा सोमबार भएको छलफलको क्रममा दुई पक्ष बीच झडप भएको हो । राजपा र फोरम नेपालका कार्यकर्ताहरु बाटो खोल्नु पर्ने र कांग्रेसका कार्यकर्ताहरु अहिलेको अवस्थामा नखोल्ने अडान लिएपछि घटनाले दलीय रूप लिएको थियो । झडपमा परि ६ जना सामान्य घाइते भएका छन् ।