बालिकालाई जंगलमा बलात्कार गरेर फरार भएका एक अभियुक्तलाई प्रहरीले शुक्रबार मकवानपुरको मनहरीमा पक्राउ गरेको छ । हेटौंडा उपमहानगरपालिका ३ घर भई मनहरी गाउँपालिका ६ नयाँबस्तीमा दिदीको घरमा बस्दै आएकी १० वर्षीयालाई बलात्कार गरेको आरोपमा ३२ वर्षीय धादिङ नलाङ ७ घर भई मकवानपुर मनहरी गाउँपालिका ६ मा बस्दै आएका राते भन्ने विष्णु विकलाई पक्राउ गरेको हो । जंगलमा शौच गर्न गएकी बालिकालाई विकले मंगलबार बलात्कार गरेर फरार भएका थिए । प्रहरीले विकलाई मनहरी गाउँपालिका ६ नयाँबस्तीस्थित एक घरमा लुकेर बसेको अवस्थामा पक्राउ गरेको हो ।