कैलालीमा म्यादी प्रहरी छनोटमा अनियमितता भएको भन्दै छनौट नभएकाहरुले बुधबार जिल्ला प्रहरी कार्यालय अगाडी नाराबाजी गरेका छन् । जिल्ला प्रहरी कार्यालय कैलालीले राजनीतिक पहुँचका आधारमा म्यादी प्रहरीको छनौट गरेको उनीहरुको आरोप छ । पहुँच र आर्थिक चलखेल गरेर म्यादी प्रहरी छनौट गरेको नाराबाजी गर्ने युवाहरुको आरोप छ । प्रदेश तथा प्रतिनिधि सभाको निर्वाचनको सुरक्षामा कैलाली जिल्लामा दुई हजार चार सय म्यादी प्रहरीको आवस्यकता परेकोमा नौ हजार आठ सय पचासी जनाको आबेदन परेको थियो ।