किशोरीलाई बलात्कार गरेर मोबाइल लुटपाट गर्ने दुईजना युवकलाई प्रहरीले पक्राउ गरेर शुक्रबार सार्बजनिक गरेको छ । बितेको भदौ ६ गते बेलुका हेटौडा–८ फायरलाइनस्थित सालघारीमा साथीसँग घुम्न गएको अवस्थामा बलात्कार गरेर मोबाइल लुटपाट गर्ने दुईजनालाई प्रहरीले पक्राउ गरेर शुक्रबार सार्वजनिक गरेको हो । प्रहरीले किशोरीलाई बलात्कार गरेको आरोपमा हेटौडा–१५ फायरलाइन बस्ने २३ वर्षीय कृष्ण वाईवा र बारा गढीमाई घर भएर हेटौडा–८ बस्ने २४ वर्षीइ अशोक विकलाई पक्राउ गरेर सार्बजनिक गरिएको जिल्ला प्रहरी कार्यालय मकवानपुरका प्रहरी नायव उपरीक्षक दिलीपराज झाले बताउनुभयो । प्रहरीले उनीहरुलाई लामो अनुसन्धानपछी फेला पारेर पक्राउ गरेको हो ।