यात्रुवाहक बसको ठक्करबाट मंगलबार झापामा एक बालक को मृत्यु भएको छ। पूर्वोत्तर झापाको खुदुनाबारीबाट बिर्तामोडतर्फ आउँदै गरेको मे १ ख २२४६ नम्बरको बसको ठक्करबाट अर्जुनधारा नगरपालिका-३ का आइन्द्र लाम्गादेका ८ वर्षीय छोरा समीरको मृत्यु भएको जिल्ला ट्राफिक प्रहरी कार्यालय झापाले जानेको छ। तिब्र गतिमा एको बसले पैदलयात्री बालकलाई अर्जुनधारा-२ झेलेनिमा धक्कर दिएको प्रहरीले जनाएको छ ।बसको ठक्करबाट गम्भीर घाइते बालकको बिर्तामोडस्थित बि एण्ड सी हस्पिटल ल्याउने क्रममा बाटैमा मृत्यु भएको प्रहरीले जनाएको छ ।बालकको मृत्युपछी मृतकका आफन्त र सर्वसाधारणले चालकलाई कारवाहीको माग गर्दै खुदुनावारीदेखि दानावारी जोड्ने सडक अवरुद्ध गरे ।चालकको हेलचेक्राईले बालकको मृत्यु भएको भन्दै उनीहरुले सडक अवरुद्ध गरेका थिए।सडक अपरान्हबाट खुलेको थियो।