बिराटनगर महानगरपालिका–१९ धनपुरा नहर छेउबाट प्रहरीले कटुवा पेस्तोल १ थान बरामद गरेको छ । मंगलबार सोही महानगरपालिका–४ बस्ने २५ बर्षीय सुमित शर्मा र ३० बर्षीय नविन शर्माले १/१ वटा खसी चोरी गरी लैजादै गरेको अवस्थामा प्रहरीले उनीहरुलाई पक्राउ गरी सोधपुछ गर्दा बिहीबार उक्त स्थानमा कटुवा पेस्तोल फालेका छौं भनी बताएपछि खटिएको प्रहरी टोलीले कटुवा पेस्तोल बरामद गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।