भेरीनगरपालिका ७ का वडाध्यक्ष चन्द्रबहादुर शाहीमाथि सांघातिक हमला भएको छ । एमाले निकट युवा संघ नेपालका जिल्ला अध्यक्ष दिपेन्द्र शाही ९एनवी० को टोलीले शाहीमाथि शनिबार साँझ आक्रमण गरी घाइते बनाएको जिल्ला प्रहरी प्रमुख भावेश रिमालले बताए । कुटपिटबाट शाही र उनका छोरा गम्भीर घाइते भएका छन् । उनीहरुको टाउको र अनुहारमा चोट लागेको छ । घाइतलाई प्राथमिक उपचारपछि कोहलपुर मेडिकल कलेज पठाइएको रिमालले जानकारी दिए । ठेक्काको विषयमा केही दिनअघि विवाद भएको थियो । आफूलाई ठेक्का नदिएको भन्दै अध्यक्ष शाहीमाथि आक्रमण भएको प्रहरीको भनाइ छ । घटनापछि दिपेन्द्र फरार छन् । उनको खोजी भइरहेको प्रहरीको भनाइ छ ।