११ वर्षीया बालिकालाई बलात्कार गरेको आरोपमा प्रहरीले पाँचथरको याङ्वरक गाँउपालिकाका एक युवालाई पक्राउ गरेको छ । आइतवार राती साढे ८ वजे बालिकालाई घर पु¥याइदिन्छु भनेर स्कुटरमा लिएर गएका याङ्वरक–४ थर्पूका कविन्द्र सुन्दासले विच बाटोमा स्कुटर रोकी बालिकामाथि बलात्कार गरेका थिए । पीडितको उजुरीका आधारमा उनलाई पक्राउ गरिएको जिल्लाप्रहरी कार्यालय पाँचथरले जनाएको छ । सुन्दासलाई सोमवार पक्राउ गरि पाँचथर जिल्ला अदालतबाट म्याद थप गरि अनुसन्धान थालिएको प्रहरीले जनाएको छ ।