बोक्सी आरोपमा ३४ बर्षे महिलालाई कुट्ने ६ जनालाई प्रहरीले पक्राउ गरेको छ। सामान्य घरायसी उपचारका लागि तनहुँको घिरिंग सुन्धारा १ पुट्टार गएकी निस्दी गाउँपालिका २ सहकोटी का ३४ बर्षीय बेसरी सिंजालीलाई बोक्सीको आरोपमा कुटपिट गर्ने तनहुँ र निस्दी गाउँपालिकाका ६ जनालाई पक्राउ गरी प्रहरीले हिरासतमा राखेको छ। कुटपिटमा संलग्न रहेको आरोपमा १९ बर्षीय बिष्णुमाया विकलाई पक्राउ गरेको जिल्ला प्रहरी कार्यालय तनहुँका प्रहरी उपरीक्षक उमेश राज जोशीले बताए। कुटपिटबाट सिंजालीको शरीरको विभिन्न भागमा निलडाम भएको छ। पिडित सिंजालीका अनुसार उनीहरुले कपाल लुछ्ने, जिब्रो थुत्न प्रयास समेत गरेका थिए। मरणासन्न हुने गरी कुटपिट गरेपछि मात्रै यो घटना बाहिरिएको हो। रामपुरको स्थानीय मेडिकलमा उपचार गरेपछि थप उपचारका लागि आफन्तले पोखरा मणिपाल अस्पताल लागेका थिए। किटानी जाहेरीको आधारमा प्रहरीले अभियुक्तहरु घिरिंग गाउँपालिका १ तनहुँका श्रेष्ठलाई तनहुँबाट र अन्यलाई पाल्पाको रामपुर १ र निस्दीबाट २ जना लाई पक्राउ गरेको हो। अनुसन्धानका लागि प्रहरीले उनीहरुलाई ५ दिनको म्याद थप गरी थुनामा राखेको छ।