बिराटनगरको प्राइम सहकारी संस्थाले बचत भुक्तानी नदिएको भन्दै सहकारीका बचतकर्ताहरुले फागुन २० गते सहकारीमा तालाबन्दी गरेका छन्|सहकारीले लामो समयदेखि बचत नदिएर झुक्याएको भन्दै बचतकर्ताले सहकारी डिभिजन कार्यालय मोरंगमा उजुरीसमेत दिएका छन्|बिराटनगर १३ का मंगतराम जिन्दलले आफुले विगत असोज देखि भुक्तानी नपाएको गुनासो पोखे| सहकारीका सचिव किशोर श्रेष्ठले भने साउन अन्तिम साता आएको बढीले बचत संकलनमा समस्या आएको र बचत जम्मा गर्नेहरु एकै पटक भुक्तानी माग गर्न थालेपछि समस्या भएको बताउनुभयो|