१३ वर्षीया बालिकालाई बलात्कार गरेको आरोपमा प्रहरीले जेठ २३ गते उदयपुर जिल्ला चौदन्डीगढी नपा-५ घर भई हाल भक्तपुर नपा-१ सल्लाघारीमा डेरा गरी बस्ने २८ वर्षीय राज भनिने सुरेन्द्र चौधरीलाई गिरफ्तार गरेको छ । पीडित युवतीलाई आरोपितले ०७४ कात्तिक ३ गते बलात्कार गरेको आरोपमा पीडित पक्षले महानगरीय प्रहरी परिसर भक्तपुरमा कात्तिक ८ गते उजुरी दिएका थिए । पीडित पक्षको उजुरीका आधारमा आरापितलाई गिरफ्तार गरी घटनाको अनुसन्धान सुरू गरेको महानगरीय प्रहरी परिसर भक्तपुरका प्रवक्ता कृष्ण प्रसाईंले जानकारी दिए । पीडित बालिकाको स्वास्थ परीक्षण कात्तिक ८ गते त्रिविवि शिक्षण अस्पताल काठमाडौँमा गरिएको प्रहरीले जनाएको छ ।