नेपाल विद्यार्थी संघ धनुषाले मंगलबार अपरान्ह प्रधानमन्त्री केपी ओलीको पुतला दहन गरेको छ । नेवि संघ केन्द्रिय कार्यालयको परिपत्र अनुसार पेट्रोलियम पदार्थको मुल्यवृद्धि फिर्ताको माग गर्दै धनुषामा प्रधानमन्त्री ओलीको पुतला दहन गरिएको हो । ओली नेतृत्वको सरकारले पेट्रोलियम पदार्थको मुल्य वृद्धि गरेपछि काँग्रेसको विद्यार्थी संगठन नेविसंघले विरोध गर्दै आएको छ । चरणबद्ध रुपमा विरोधको कार्यक्रमहरु गरेर मुल्यवृद्धि फिर्ताको माग नेवि संघले गर्दै आएको छ । नेविसंघ धनुषाका अध्यक्ष संजय कुमार यादवको अगुवाईमा मंगलबार अपरान्ह जनकपुरमा ओलीको पुतला दहन गरिएको थियो ।