मुगु जिल्ला प्रतिनिधि जीवन सेजुवालका अनुसार डक्टर गोविन्द केसिले जुम्लामा सुरू गरेको अनशनलाई समर्थन गर्दै जिल्ला अस्पताल मुगुका स्वास्थ्यकर्मीले अस्पतालको आपतकालीन सेवा बाहेकका अन्य सबै सेवा अनिश्चितकालका लागि बन्द गरेका छन् । जुम्लामा रहेको स्वास्थ्य विज्ञान प्रतिष्ठानमा एमविविएस अध्यन सुरू र चिकित्सा विधेयकका विषयमा विविध माग राखी जुम्लामा गरेको अनशनबारे सरकारले तत्काल सुनुवाइ गरोस भन्ने उद्धेश्यले दबाव स्वरूप जिल्ला अस्पतालमा कार्यरत डक्टर, नर्सलगायत अन्य स्वास्थ्यकर्मीले असार १९ गतेदेखि अस्पतालको आपतकालीन सेवा बाहेकका अन्य सबै सेवा अनिश्चितकालका लागि बन्द गरेका हुन ।