विभिन्न माग राखेर आन्दोलित बनेका दुई विद्यार्थी संगठनले बुधबार प्याब्सन तथा एनप्याब्सनका पदाधिकारी रहेको निजी विद्यालयको लेखा शाखामा तालाबन्दी गरेका छन् ।अनेरास्ववियु र अनेरास्ववियु-क्रान्तिकारीले झापाका आठ वटा निजी विद्यालयहरुको लेखा शाखामा तालाबन्दी गरेको अनेरास्ववियु -क्रान्तिकारीले जनाएको छ ।शैक्षिक क्षेत्रमा चर्को शुल्क वृद्धिको विरोधमा गरिएको दोस्रो चरण को आन्दोलन अन्तर्गत तालाबन्दी गरिएको र आगामी असार २० गतेसम्म तालाबन्दीलाई निरन्तरता दिइने सुवेदीले जानकारी दिए ।सरकारले जारी गरेको २०७२ को निर्देशिका पालना नगराउने,विद्यार्थी संगठन र प्याब्सन,एनप्याब्सनबीच भएको सहमति कार्यन्वयन नगराएको भन्दै प्याब्सन र एनप्याब्सनले चरम शुल्क लिएको तथा एसइइ दिएर ११ र १२ मा पढ्न लागेका विद्यार्थीहरुलाई क्याम्पसहरुले चरम शुल्क लिने गरेको पाइएकाले त्यसलाई रोक्न आन्दोलन गर्नु परेको उनले बताए ।बुधबार सो कारणले झापाका आठ वटा विद्यालयको लेखा शाखामा तलाब्नादी गरेको उनले बताए ।