बराहताल गाउँपालिका-२ की ३१ वर्षीया मनिसरा नाम्जालीलाई हँसिया प्रहार गरेको आरोपमा ३३ वर्षीय पति टोपबहादुर नाम्जालीलाई प्रहरीले भदौ २४ गते गिरफ्तार गरेको छ । घरायसी विषयमा विवाद हुँदा पत्नीको टाउकोमा हँसिया प्रहार गरी घाइते बनाएको प्रहरीले जनाएको छ । आरोपित नाम्जालीलाई प्रहरी चौकी कुनाथरीबाट खटिएका प्रहरीले घरबाटै गिरफ्तार गरेको हो । हँसिया प्रहारबाट टाउकोमा गम्भीर चोट लागेकी मनिसराको उपचार क्षेत्रीय अस्पताल सुर्खेतमा भइरहेको छ । टोपबहादुरलाई भदौ २५ गते जिल्ला प्रहरी कार्यालय सुर्खेतमा ल्याएर थप अनुसन्धान गरिरहेको जिल्ला प्रहरी कार्यालय सुर्खेतका डिएसपी श्यामसिंह चौधरीले बताए ।