बैतडीको अपि हिमाल गाउँपालिका वडा नंबर ४ का एक प्रध्यानाध्यापक बुहारीलाई पटक पटक बलात्कार गरेको आरोपमा पक्राउ परेका छन् । जिल्ला प्रहरी कार्यालय कैलालीले शुक्रबार बैतडीको तामाखानी भगवती निम्न माध्यमिक बिध्यालयका प्रध्यानाध्यापक दानसिंह धामी लाई पक्राउ गरेको हो । पिडित महिलाको उजुरीमा धामीलाई पक्राउ गरेको प्रहरीले जनाएको छ । श्रीमान बितेपछि एक महिलाका रुपमा परिवारसंगै बस्दै आएकी बुहारीलाई धामीले पटक पटक बलात्कार गरेको प्रहरीले बताएको छ । आरोपित शिक्षक धामीलाई जिल्ला प्रहरी कार्यालय कैलालीले म्याद थप गरि अनुसन्धान गरिरहेको बताएको छ । पिडित महिला अहिले महिला पुनर्स्थापना केन्द्र ओरेक धनगढीको सेफ हाउसमा छिन् ।