रौतहटको चन्द्रनिगाहपुरमा दुई जना बालिका माथी गरिएको तेजाब प्रहारको घटनामा संलग्नलाई कारवाहीको माग गर्दै स्थानीय अधिकारकर्मी, युवा, महिला तथा संचारकर्मीहरुले गौरमा प्रदर्शन गरेका छन् । घरमा सुतिरहेको अवस्थामा गत भद्र २६ गते राती सम्झना र सिर्जना दासमा अज्ञात समुहले एसिड प्रहार गरेको थियो । दिनदिनै चोरी, बलात्कार , एसिड प्रहारलगायतका घटना बढेकाले असुरक्षाको अनुभूति भएको प्रदर्शनमा सहभागीहरुले बताए । प्रहरीले घटनामा संलग्नलाई पक्राउ गर्न अनुसन्धान भईरहेको जनाएको छ ।