६ वर्षिया बालिकालाई बलात्कार गरेको अभियोगमा झापाको दमकस्थित बेलडाँगी भुटानी शरणार्थी शिविरका एक बालक पक्राउ परेका छन् । पिडित बालिकाकी आमाको उजुरीपछि अभियुक्त बालकलाई तीन दिनअघि दमक प्रहरीले अनुसन्धानका लागि नियन्त्रणमा लिएको हो । मोबाइलमा अश्लिल भिडियो सामग्री हेरेर बालिकालाई बलात्कार गरेको अभियोगमा बेलडाँगी-२ शिविरका १३ वर्षिय बालक पक्राउ परेका हुन् । प्रहरीले दुवैको नाम गोप्य राखेको छ ।इलाका प्रहरी कार्यालय दमकका प्रहरी नायव उपरीक्षक श्यामल शुब्बाका अनुसार गत असोज १२ गते दिउँसो घरमा कोहि नभएको अवस्थामा बालकले आफ्ना अभिभावकको मोबाइलमा राखिएको अश्लिल भिडियो हेरेपछी बालिकालाई त्यसैगरी अनुचित सम्बन्ध राखेका थिए ।बालकले हेर्दै गर्दा छिमेकी बालिका खेल्न आएपछि बालिकालाई पनि संगै अश्लिल भिडियो देखेको आमाको जाहेरीमा उल्लेख छ ।अनुचित सम्बन्ध राखेका कारण बालिका रुँदै आएपछि घटना बाहिर आएको थियो ।