नौ वर्षीया बालिकालाई बलात्कार गरेको आरोपमा माडी गाउँपालिका–४ रोल्पा स्थायी घर भई हाल दाङको घोराही बजार बस्दै आएका २४ वर्षीय धनराज बिकलाई प्रहरीले कात्तिक १० गते गिरफ्तार गरेको छ । पीडित बालिकालाई आरोपितले कात्तिक ९ गते बलात्कार गरेको र सोहीदिन राति बालिकाले यौनाङ्ग दुखेको भन्दै अभिभावकलाई भनेपछि पीडित पक्षले प्रहरीमा कात्तिक १० गते उजुरी दिएको थियो । प्रहरीले आरोपित बिकलाई गिरफ्तार गरी अनुसन्धान थालेको जनाएको छ । पीडित बालिकाको स्वास्थ्य परीक्षण राप्ती स्वास्थ्य विज्ञान प्रतिष्ठान घोराहीमा कात्तिक १० गते भयो ।