२३ वर्षीया महिलालाई बलात्कार गरेको आरोपमा प्रहरीले चौतारा सागाचोकगढी नपा–८ इर्खुका २९ वर्षीय बालकृष्ण श्रेष्ठलाई मङ्सिर १ गते गिरफ्तार गरेको छ ।

पीडित महिलालाई आरोपितले कात्तिक १४ गते बलात्कार गरेको पीडित पक्षको आरोप छ । पीडितले कात्तिक २६ गते जिल्ला प्रहरी कार्यालयमा उजुरी दिएको जिल्ला प्रहरी कार्यालयका इन्स्पेक्टर हरिकृष्ण केसीले बताए । उनका अनुसार पीडित महिलाको स्वास्थ्य परीक्षण कात्तिक २६ गते चौतारास्थित जिल्ला अस्पतालमा गरिएको छ ।