2019-01-07
Sudurpashchim, Baitadi, Surnaya, Ward 6
प्रदेश सरकारबाट विनियोजित सडक योजनाको सर्भे गर्न आएका इञ्जिनियरलाई सुर्नया गाउँपालिका–६ का अध्यक्ष जयबहादुर कुँवरले जुत्ताको माला लगाउने धम्की दिएपछि इञ्जिनियरले तनाव भएको बताएका छन् ।
सुदूर पश्चिम प्रदेश सरकारको भौतिक पूर्वाधार मन्त्रालयले बैतडीको विजयपुरलाई सडक सञ्जालसँग जोड्न १ करोड रुपियाँ विनियोजित गरेको छ ।
उक्त सडक सर्भे गर्न आएका इञ्जिनियर कोषराज जोशीको प्राविधिक टोली सुर्नया गाउँपालिका पुग्दा वडाध्यक्ष कुँवरले लिखित निर्देशन दिएका छन् ।
उक्त निर्देशन नमाने जुत्ताको माला लगाउने धम्की पाएको इञ्जिनियर जोशीले बताए । २० किलोमिटर सडकको सर्भे गर्ने क्रममा आफूले भनेको ठाउँबाट सडक सर्भे नगरे जुत्ताको माला लगाउने धम्की दिएको बताउँदै इञ्जिनियर जोशीले भने–‘मसँग त्यसको कल रेकर्ड छ ।’
वडाध्यक्ष कुँवरले भने जनताले स्कुल र हेल्थपोष्ट छोएर सडक लैजानु पर्ने माग गरेकोले लिखित निर्देशन दिएको प्रतिक्रिया दिए । जनताले माग गरेको ठाउँबाट सर्भे नगरे त्यसको जिम्मेवारी प्राविधिकले लिनुपर्ने मात्रै भनेको वडा अध्यक्ष कुँवरको भनाई रहेको छ ।
स्थानीय भगिरथ कुँवरका अनुसार हेल्थपोष्टमा यस अघिनै सडक पुगिसकेको छ । एक वर्षअघि आफैँ सडक उपभोक्ता समितिको अध्यक्ष भएर हेल्थपोष्टसम्म सडक पु¥याएको भगिरथ कुँवरले बताए । विजयपुर जाने सडक पनि हेल्थपोष्ट भएर लैजाँदा लामो हुने उनले बताए ।
सुर्नया गाउँपालिकाबाट पुरचौडी नगरपालिकाको विजयपुर पुग्ने सडक भएकाले स्कुल र हेल्थपोष्ट भएर सर्भे गर्दा सडकको ग्रेड नमिल्ने इञ्जिनियर कोषराज जोशीको भनाई छ ।
‘साना सडक स्थानीय तहको सरकार आफैँले निर्माण गर्न सक्छ । यो सडक योजना प्रदेश स्तरीय भएकाले टोलटोलमा घुमाउन सकिँदैन । प्राविधिक दृष्टिले त्यस्तो सडक उपयुक्त पनि हुँदैन ।’–इञ्जिनियर जोशीले भने ।
नरी बडु
Violent / Non-violent | Nonviolent |
Primary Form | Threat/intimidation |
Primary Cause | Other governance issues |
Actor 1 - Number of people | 1 |
Actor 1 - Affiliations | Local authorities (incl VDC, district, gov. line agencies at local level except education and health) |
Actor 1 - Youth | noyouth |
Actor 2 - Number of people | 1 |
Actor 2 - Affiliation (Target) | Local authorities (incl VDC, district, gov. line agencies at local level except education and health) |
Actor 2 - Youth | unknown |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD