बर्दियाकाे राजापुर नगरपालिका -४ छेडियाकाे मुक्तकमैया टाेलमा एक किशाेरी मृत फेला परेकी छन् ।

आइतबार नजीकैकाे जङ्गमा बाख्रा चराउन गएकी १४ वर्षिया प्रमिला चाैधरी आज रूखमा झूण्डिएकाे अवस्थामा फेला परेकाे जिल्ला प्रहरी कार्यालयले जनाएकाे छ ।

साँझसम्म घर नफर्केपछि स्थानीयवासीकाे सहयाेगमा प्रहरीले खाेजी गर्दा उनी मृत फेला परेकाे इलाका प्रहरी कार्यालय राजापुरका प्रहरी निरीक्षक वद्रीप्रसाद ढकालले बताए ।

घटनाकाे प्रकृति हेर्दा शङ्कास्पद रहेकाे प्रहरी अनुमान छ । राजापुरमा चिकित्सककाे अभावका कारण शव परीक्षणका लागि कैलालीकाे टीकापुर अस्पतालमा पठाइएकाे छ ।