१७ वर्षीया किशोरीलाई जबरजस्ती करणी उद्योग गरेको अभियोगमा काठमाडौं महानगरपालिका-१३ वाफल डेरा गरी बस्ने रामेछाप उमाकुण्ड गाउँपालिका-६ घर भएका ३८ वर्षीय लिलाबहादुर कार्कीलाई बिहीबार दिउसो प्रहरीले पक्राउ गरेको छ । उनले आफ्नै साली सर्लाही बलरा नगरपालिका-५ घर भई सोही स्थान बस्ने किशोरीलाई जबरजस्ती करणी उद्योग गरेको भन्ने खबर प्राप्त हुनासाथ महानगरीय प्रहरी वृत कालीमाटीबाट खटिएको प्रहरीले कार्कीलाई पक्राउ गरेको हो ।

यस सम्बन्धमा स्थानीय प्रहरीले आवश्यक अनुसन्धान गरिरहेको छ ।