2019-02-26
पोखरा महानगरपालिका–९ पृथ्वीचोक स्थित गण्डकी मेडिकल कलेजमा प्रहरीले बल प्रयोग गर्दा तीन जना विद्यार्थी घाइते भएका छन् ।
जिल्ला प्रशासन कास्कीको आदेशमा विगत २ सातादेखि मेडिकल कलेजमा लगाइएको ताला खोल्ने क्रममा प्रहरीले बल गर्दा कैलालीका २३ वर्षीय प्रमेदेव जोशी, तनहुँका १९ वर्षीय अपिल भण्डारी र तनहुँकी २२ वर्षीया रविना मिश्र रहेका छन् ।
मिश्र बेहोस भएर लडेपछि गण्डकी मेडिकल कलेजमै आकस्मिक कक्षमा उपचार गरिएको थियो । उनको अवस्था सामान्य भएको छ । साथै अन्य घाइतेहरूको पाखुरा र छातिमा सामान्य चोट लागेको छ ।
‘यति धेरै सङ्ख्यामा पुरूष प्रहरी परिचालन गरेर हामी माथि बल प्रयोग गरियो । संवेदनशील अङ्गमा छुने र चिमोट्ने जस्ता काम गरे ।’–पीडित रविना मिश्रले आरोप लगाइन् ।
वडा प्रहरी कार्यलय बैदामका डिएसपी कुमोद साहले भने विधार्थीहरूले भनेजस्तो बल प्रयोग नगरिएको सामान्य धकेलाधकेल मात्रै भएको बताए ।
‘कोही केही भएको छैन । भिडमा धकेलाधकेल हुँदा केही विद्यार्थीहरू बिचमा परेका मात्रै हुन् । त्यस्तो घाइते नै भनेर कोही भएका छैनन् ।’–उनले भने ।
ओपिडी, रिसेप्सन, काउन्टर कक्षको ताला खुलाएको भए पनि विद्यार्थी सोही स्थानमा भुइँमा बसेर रिले अनसन जारी राखेका छन् । अस्पताललाई जनपथ प्रहरी र सशस्त्र प्रहरीले सुरक्षा दिइरहेको छ ।
सुशन घिमिरे
Violent / Non-violent | Violent |
Onesided / Twosided | Twosided |
Collective / Interpersonal | Interpersonal |
Primary Form | Group Clash |
Weapons | None |
Primary Cause | Other governance issues |
Actor 1 - Number of people | 5 |
Actor 1 - Affiliations | Police |
Actor 1 - Youth | unknown |
Actor 2 - Number of people | 10 |
Actor 2 - Affiliation | Students |
Actor 2 - Youth | youth |
Total Injured | 3 |
Female Injured | 1 |
Youth Injured | 3 |
THE NEPAL PEACE MONITOR ANNUAL REVIEW: 2020
October 25, 2021
Human Trafficking / LGBT+ Rights / GBV / Political / Children’s Rights / Senior Citizens’ Rights / HRD Issues / Human Rights / Interpersonal Violence / Governance / Covid-19 / Civic-Space / PwD