पतिले कुटपिट गरी घाइते भएको भन्दै त्रिपुरासुन्दरी नपा–४ सुँउकी ४७ वर्षीया पाँचा डाँगीले ५६ वर्षीय शिवधन डाँगीकाविरूद्ध फागुन २४ गते त्रिपुराकोट, प्रहरी चौकीमा उजुरी दिएकी छन् ।

बिहानै मदिरा सेवन गरेका डाँगीले ‘परपुरूषसँग सम्बन्ध राखेको’ आरोप लगाउँदै फागुन २४ गते चिरपट दाउराले कुटपिट गरेको पीडितको भनाई छ ।

पतिको कुटपिटबाट पाँचा डाँगीको दायाँ आँखाको माथिल्लो भागमा गहिरो चोट लागेकी पीडितको उपचार त्रिपुरासुन्दरी मेडिकलमा भइरहेको प्रहरीले जनाएको छ ।

त्रिपुराकोट, प्रहरी चौकीका सई टेकबहादुर देउवाले पीडितले दिएको निवेदनको आधारमा आरोपिताई गिरफ्तार गरी कानुन अनुसार कारवाही गरिने जानकारी दिए ।